MUME ACHINJA KIKATILI MKE PAMOJA NA MTOTO WAKE

Mwanamke mmoja Oliver Erasto mwenye umri wa miaka 22 kabila mchagga mkazi wa Kawe jijini Dar es Salaam pamoja na mtoto wake wa kiume mwenye umri wa miaka 3, Emmanuel Erasto, Wameuawa kikatili kwa kuchinjwa na mapanga juzi tarehe 04 May 2016 majira ya saa 12:30 jioni huko eneo la Kaole kata ya Dunda wilayani Bagamoyo mkoa wa Pwani.

Kwa mujibu wa kamanda wa Polisi mkoa wa Pwani alisema mume wa marehemu bwana Erasto Peter Mbwale mwenye umri wa miaka 26 kabila Mhehe mkazi wa Kawe jijini Dar es Salaam , akishirikiana na Rafiki yake Rajabu Juma miaka 20, mkulima mkazi wa Makongo jijini Dar es Salaam, alimdanganya mkewe kwa kumrubuni kuwa wakaangalie ujenzi wa nyumba yao huko maeneo ya kaole, Bagamoyo akiwa amekodi pikipiki namba MC 235 AWR aina ya FEKON.

Walipofika kaole, waliingia vichakani mita 100 kutoka barabarani na kuanza kuwaua mkewe Oliver na mwanae Emmanuel kwa Kutumia mapanga, na kisha kutoroka kwa kukimbia kutoka eneo la tukio, hata hivyo kelele za marehemu ziliwafanya wakazi waliopo karibu ya eneo hilo la tukio kusogea karibu kuangalia kulikoni na kelele hizo ndipo walipokuta miili ya marehemu hao na kutoa taarifa polisi.

Polisi walipofika eneo la tukio walikuta pikipiki hiyo iliyotumika kwenye tukio hilo, simu mbili za mkononi zenye line mbili na mapanga mawili yaliyotumika kwenye tukio hilo la mauaji, ndipo walipoanza msako wa kuwasaka wauaji hao kwa kuzifuata nyayo zao kutokana na eneo hilo kuwa na matope na hatimaye kwa kushirikiana na wananchi walifanikiwa kuwatia mbaroni watuhumiwa hao majira ya saa 3.30 usiku hukohuko kaole wakijaribu kutoroka.

Polisi wanasema chanzo cha mauaji hayo ni wivu wa kimapenzi baada ya mume bw. Frowin Peter Mbwale kumtuhumu mkewe kuwa na mahusiano ya kimapenzi na mwanaume mwingine aliyefahamika kwa jina moja la Hamza mkazi wa Kawe jijini Dar es Salaam, na pia kutuhumu kuwa hata mtoto huyo sio wake bali ni wa Hamza.

Watuhumiwa wote wametiwa mbaroni jalada la kesi ya mauaji limefunguliwa kwa BAG/IR/1078/2016, na taratibu za kisheria za kuwafikisha mahakamani zinaendelea.

TAFADHALI PICHA ZINATISHA